बालबालिकालाई मोबाइलको लतबाट जोगाऔ

माछाको फरेन्सिक रिपोर्ट

माछा किन हाँस्दै मर्‍यो यसको रहस्य भने अझै फेला पार्न नसकिए पनि मोटरसाइकिल चडेर आएको चोरको पछाडि पनि कोही थियो कि ? भनेर शंका गरिएको छ ।

Nepal Telecom ad

अशोककुमार शिवा :

एकाबिहानै मेसेन्जरमा दुर्गन्ध फैलियो । दुर्गन्ध के को हो ? कसैले खुट्याउन सकेनन् । सबै आ-आफ्नै अड्कलबाजीमा लागे कसैले चिया डढ्यो होला भने कसैले के भने तर कसैले पनि खास कुरा पत्तो पाउन सकेनन् । सबै नाक समातेर यत्रतत्र खोजी गर्न लागे । यतिकैमा एकजना बुज्रुक कतै झुण्डाई राखेको ज्याकेट नजिक पुगेछन् । उनी ठाउँको ठाउँ बेहोस भएछन् । बेहोस अवस्थामा रहेका बुज्रुकलाई पानी छम्केर ब्युझाएपछि बल्ल रहस्य खुल्यो कि ज्याकेट गन्हाएको रहेछ भनेर ।

एकजनाले बिचैमा भने- हैट, ज्याकेट त यस्तो गन्हाउँदैन त हौ । यो त माछा बजार गएको जस्तो गन्ध आइरहेको छ । ज्याकेटको खानतलासी सुरु भयो । ज्याकेटको दाहिने खल्तीमा अक्वेरियममा पाल्ने ठूलो खालको एउटा माछा निच्च दाँत देखाएर मरेको पाइयो । त्यसै बोला गणबहालको एउटा घरमा माछा चोरी भएको बारे हल्लिखल्ली मच्चिरहेको थियो । गणबहालमा माछा हराएर खल्लिबल्ली हुनु र यता माछा मरेर गन्हाउनुको के सम्बन्ध छ भनेर छलफल चल्दा विशेष अनुसन्धान गर्ने निर्णय भयो ।

माछा हराएको घरको सिसिटिभीको अध्ययन पहिला गर्ने निर्णय भए अनुसार सिसिटिभि फुटेज हेर्दा एकजना मोटे मोटे तान्जानियन जस्तो देखिने मान्छेले अक्वेरियममा हात हालेर माछा झिक्दै गरेको दृश्य देखियो । ऊ माछा खल्तीमा हालेर घरी घरी एक्लै हाँस्दै थियो । सायद माछाले पेटमा कुत्कुति लगाएर होला । फुटेज हेर्दा माछा धनी पनि वरपर देखिएकोले उनकै साथी कोही हुनुपर्छ भनेर उनलाई सोधखोज गर्दा मान्छे पत्ता लाग्यो । माछा चोर अरु कोही नभएर उनकै नक्कली वर्थडे मनाउने बहानामा घर पुगेको साथी भन्ने बुझियो ।

माछा किन हाँस्दै मर्‍यो यसको रहस्य भने अझै फेला पार्न नसकिए पनि मोटरसाइकिल चडेर आएको चोरको पछाडि पनि कोही थियो कि ? भनेर शंका गरिएको छ । हुनसक्छ, ती दुईको संवाद त्यस्तै हाँसोलाग्दो थियो होला । माछाको फरेन्सिक परीक्षण गर्न पठाउँदा सास धुनेर भन्दा पनि धेरै हाँसेर ज्यान गएको रिपोर्ट प्राप्त हुनाले माछा चोर लास्टै रोमान्टिक रहेको बुझियो । आफूलाई चोर दोष लाग्ने डरले उसले अरुले माछाको अक्वेरियम लगायतका सजिसजावट अवलोकन गरेको भिडियो बनाएर राखेको समेत फेला पारियो ।

घटनामा अन्य पनि संलग्न छन् कि भनेर अनुसन्धान जारी छ । माछा हराएको त्यस दिन दिउँसो र साँझ गरेर उक्त घरमा आठ जनाको सारनतारन देखियो । तर अरु सबै गाईप्राणी जस्तो देखियो भने माछा चोरको छट्याईं फट्याईंले अभियुक्त अरु कोही नभएर ऊ नै भएको बुझियो । निजलाई समातेर तत्काले भृकुटीमण्डप स्थित मेरो अडियो नेपालमा बुझाइएको छ ।

अडियो नेपालबाट प्राप्त जानकारी अनुसार मुद्दा दर्ता भैसको छ भने छिट्टै सुनुवाई पनि सुरु हुनेछ । माछा चोर अभियुक्त दोषी ठहरिए प्रत्येक दिन साँझ ७ बजेबाट ११ बजेसम्म झ्यालबाट लगातार माछाले गिल हल्लाएको झैँ गरी हल्लाउँदै बस्नु पर्ने सजाय हुने सम्भावना व्यापक चर्चामा छ । साथै त्यस दिन त्यहाँ उपस्थित हुने अन्य व्यक्तिलाई पनि सधैँ साँझ हाजिर जनाउनै पर्ने गरी आदेश जारी हुने कुरा छ ।

०००
गल्कोपाखा, काठमाडौं ।
२०८०/०८/१९

Fitkauli Publication Books comming soon
Nepal Telecom ad
खटियाको गुनासो

खटियाको गुनासो

अशोककुमार शिवा
स्पोन्जबल

स्पोन्जबल

अशोककुमार शिवा
पित्त जत्रो चित्त

पित्त जत्रो चित्त

अशोककुमार शिवा
प्रतिष्ठा

प्रतिष्ठा

अशोककुमार शिवा
सजिलो कि अफ्ठ्यारो ?

सजिलो कि अफ्ठ्यारो ?

अशोककुमार शिवा
धन्य नेताको नाक !

धन्य नेताको नाक !

रामकुमार पाँडे
जसरी हुन्छ सोहोर !

जसरी हुन्छ सोहोर !

चूडामणि रेग्मी
अधिकारको सदुपयोग

अधिकारको सदुपयोग

हेमराज पाैडेल
सम्मानको मखुन्डो

सम्मानको मखुन्डो

देवीप्रसाद चापागाईं