बागमती प्रदेश सञ्चार कार्यालय लामो

जिन्दावाद र मुर्दावाद !!

खाएपछि विजय र्याली शुरुआत भयो । जिन्दावाद र मुर्दावादका नारा मासुभात सरह हाप र झाप गर्दै निस्कन थाले ।

जहाजै डुब्ला भन्ठान्दै एक जोडी दम्पती ताकेको गन्तव्यतिर लम्कँदा थिए ।

“भोको पेट हामी कता जाँदै छौँ ?” पत्नीको मलीन सवाल थियोे ।

“त्यही भोकको ओखती लिन ।” पतिको सटीक जवाफ फर्कियो ।

“जे लिनुछ एक्लै लिँदा भइगो नि !” पत्नीलाई वाक्क लागेको भाव सुनियो ।

“एक्लैले एउटा पेट मात्रै भरिन्छ । दोक्लै भए एक पेटमाथि अर्को थपिन्छ । फेरि महङ्गो समयमा सित्तैमा मासुभात हसुर्ने अवसर कसले गुमाउँछ र !” पतिको कन्जुरी रोग छर्लङ्ग देखियो ।

“छोरो भोकायो होला । पेटभरि दूध चुसाउन पनि पाइनँ । पाखुरामा समाएर तानेको तान्यै गर्नुभयो । केके न होला भनेर सासूको काखमा छोरो राखेर तपाईंको पछि लागेकी त यसैका लागि पो रहेछ । म फर्कन्छु ।” पत्नीको असन्तुष्टि सुनियो ।

“फर्कन नै आएका हौँ । क्षुधा मेटेर फर्कने ।” पति कथन निस्कियो । पतिको करचापले पत्नीले खाना खाइन् । खाना हेर्दै स्वादिलो र बासनादार थियोे । सबैले उत्तम मानेर खाए । तर पत्नीको लागि स्वाद र सुवास हराएको खाना लाग्यो ।

खाएपछि विजय र्याली शुरुआत भयो । जिन्दावाद र मुर्दावादका नारा मासुभात सरह हाप र झाप गर्दै निस्कन थाले ।

पत्नीलाई भने काखे र दूधे भोको छोरो सम्झेर अघि खाएको मासुभात छादेर हिँडिदिऊँ जस्तो लाग्यो ।

२०७९/०१/३० रूपनगर, सप्तरी ।

बागमती प्रदेश सञ्चार कार्यालय लामो
बाँदरको जित

बाँदरको जित

लक्ष्मी रिजाल
श्रमिक

श्रमिक

लक्ष्मी रिजाल
होमवर्कको होहल्ला

होमवर्कको होहल्ला

पिँडालु पण्डित
जुम्रेको डायरी

जुम्रेको डायरी

नन्दलाल आचार्य
अञ्चलाधीशको आतंक

अञ्चलाधीशको आतंक

चूडामणि वशिष्ठ
भ्यागुता सम्मेलन र बाँकी सम्मेलनहरू !

भ्यागुता सम्मेलन र बाँकी...

डा.हरिप्रसाद सिलवाल