उमानाथ दाहालनिभ्नलागेको आगो
“ए तब पो दाइ जौँ भन्नु हुदो रहेछ” साइँलाले भनिसक्न नपाउँदै हर्कप्रसादले थपे” -बलेको आगो सबैले ताप्छन् भनिन्छ तर छठ एउटा मात्रै त्यस्तो पर्व हो जस्मा निभ्न लागेको आगोलाई पनि महत्व दिइन्छ ।”
उमानाथ दाहाल :
“ल छिटै गाई बाँधि सक्नु त साइँला भाइ ! जौँ छठपूजा हेर्न” -आफ्नैँ आँगनको डिलबाट थलामा गाई बाँध्दै गरेको छिमेकी साइँलालाई हर्कप्रसादले सम्बोधन गरे ।
“दाइ पनि के भन्नुहुन्छ ? साँझ पर्न लाग्यो अब कसले पूजा गरिदिन्छ हामीलाई देखाउन ?” कटेरा बाहिर निस्किदै साइँलाले भन्यो ।
“साइँला भाइ अनभिज्ञ हुनु हुँदोरहेछ । बेलुका अस्ताउँदो सूर्यलाई नदीमा गएर अर्घ दिइन्छ नि छठपूजामा” हर्कप्रसादले बुझाए ।
“हो र ? मलाई त यसबारे केही पनि थाहा छैन” -साइँलाले अनभिज्ञता प्रकट गर्यो ।
“हो नि, पाठपूजा, भजन कीर्तन गरिन्छ । खोला किनारको शीतल वातावरणमा निकै रमाइलो हुन्छ” -हर्कप्रसादले थप प्रष्ट्याए ।
“ए तब पो दाइ जौँ भन्नु हुदो रहेछ” साइँलाले भनिसक्न नपाउँदै हर्कप्रसादले थपे” -बलेको आगो सबैले ताप्छन् भनिन्छ तर छठ एउटा मात्रै त्यस्तो पर्व हो जस्मा निभ्न लागेको आगोलाई पनि महत्व दिइन्छ ।”
०००
शिवसताक्षी नगरपालिका दूधे, झापा
