भेषराज साहित्य प्रतिष्ठानको काव्यवाचन

भेषजराज साहित्य प्रतिष्ठानले नियमित रूपमा सञ्चालन गर्दै आएको रचना वाचनको ४४ औँ शृङ्खला पुस २८ गते वालिङ -८, भीमटारी स्याङ्जामा सम्पन्न गरेको छ ।

भेषजराज साहित्य प्रतिष्ठानका संस्थापक अध्यक्ष एवम् वर्तमान सल्लाहकार डा. अच्युतशरण अर्यालको प्रमुख आतिथ्य र प्रतिष्ठानका आजीवन सदस्य प्रदीप बगालेको सभापतित्वमा सम्पन्न उक्त कार्यक्रममा अतिथि कवि कमल बगाले, कवयित्री दमकला बगाले र भीमटारी युवा क्लबका अध्यक्ष सूर्य प्रसाद रेग्मीले कार्यक्रमको सफलताको शुभकामना सहित आआफ्ना कविता प्रस्तुत गर्नु भएको थियो ।

कार्यक्रममा युवा स्रजकहरू कृष्ण अर्याल, श्याम अर्याल, शिव अर्याल, सुधीर कोइराला लगायतले कविता र मुक्तक प्रस्तुत गर्नु भएको थियो । यसै कार्यक्रममा आमाहरू सीता अर्याल, चन्द्रकला अर्यालले पनि नीतिउपदेशहरू सुनाउनु भएको थियो ।

दुई दर्जन जति स्रष्टाहरूको उपस्थिति रहेको उक्त कार्यक्रमको सञ्चालन प्रतिष्ठानका सचिव श्यामप्रसाद ढुङ्गानाले गर्नुभएको थियो ।

— श्याम ढुंगाना