बागमती प्रदेश सञ्चार कार्यालय लामो

के छैन यहाँ ?

बिकासको कामलाई बर्षौ लगाउने ठेकदार यहीँ छ तपाईं हामीले ढिला भयो भनेर के गर्ने ? त्यो ठेकदारलाई ठेक्का दिलाउने सरकार यहीँ छ ।

के छैन यहाँ ?
साइकल नहुने नेताको करोडको कार यहीँ छ
नारायणहिटी भन्दा ठुलो तिनको दरबार यहीँ छ
जसले नैतिकताको कुरा उठाउँछ
उसैको अर्काकी श्रीमती उडाको घरबार यहीँ छ ।

करोडको हैन अब खरबको भ्रष्टाचार यहीँ छ
त्यो भ्रष्टाचार गर्ने मुर्दार यहीँ छ
तपाईं हामीलाई थाहा भएर पनि के हुन्छ ?
त्यो भ्रष्टाचारीलाई लुकाउने सरदार यहीँ छ ।

के छैन यहाँ ?
गरिब देखाएर चन्दा माग्ने हतियार यहीँ छ
त्यही चन्दामा हलिमुहाली गर्ने मतियार यहीँ छ
तपाईं हामीले बिरोध गरेर भो र ?
अरबौ खाए पनि मुक्ति दिने अख्तियार यहीँ छ ।

के छैन यहाँ ?
राष्ट्रको ढुकुटी उडाउने चौकिदार यहीँ छ
जति खाए पनि कहिलै नअघाउने खरदार यहीँ छ
बिकासको कामलाई बर्षौ लगाउने ठेकदार यहीँ छ
तपाईं हामीले ढिला भयो भनेर के गर्ने ?
त्यो ठेकदारलाई ठेक्का दिलाउने सरकार यहीँ छ ।

आफ्नो आङको भैंसी नदेख्ने अरुको आङको जुम्रो देख्ने सँधियार यहीँ छ
अघिपछि प्रतिपक्ष हुने तर खाने बेला एकै पक्ष हुने अङ्शियार यहीँ छ
अनुगमन पनि यहीँ छ, कालो बजार पनि यहीँ छ
जति राष्ट्रवादको कुरा गरे पनि
सत्ताको लागि अरुको पाउ पर्ने लम्पसार यहीँ छ ।

काठमाडौं

बागमती प्रदेश सञ्चार कार्यालय लामो