नेपाली हास्यव्यङ्ग्य अनलाइन पत्रिका

प्रेम वली ढकलपुरे :

यहाँ भ्रष्टाचार गर्ने नारी कोइ छ ?
छ त गर्ने यहाँ उसैको पोइ छ ।

लाउडा काण्डतिर हे¥यो उही छ
सुन काण्ड कोट्यायो उही छ
घुस खाने होस् कि घोटाला गर्ने
हाम्रो देश नारी जाती कोइ छ ?
यो सब लीला गर्ने उसैको पोइ छ ।

देश चलाउन दिनु पर्ने सारीलाई
तर सत्तामा पुग्नु पर्ने त्यही दारीलाई !
शिव हुन् कि बिष्णु जिम्मा दिएका थिए नारीलाई
यहाँ के भाको खै यी सुरुवाल भोटिधारीलाई ?

साहस गरेका हुन् कि दस्साहस
भ्रष्टाचार गर्ने पुरुषको नै इतिहास
घर चलाउने नारी, भ्रष्ट हुने दारी
के गर्नु पर्ने रहेछ यत्रो धन
कमिसन खानु पर्ने झारी झारी ।

भुँडी पुरुषको मात्र हैन तर नारीले घुस खाएको खै ?
यो पुरुषलाई त घुस तरुनी भन्दा मिठो लाग्ने है ?
भ्रष्टाचार मुक्त बनाउन अब नारीलाई अघि सार्नुपर्छ
भ्रष्ट, कमिसनखोर पुरुष सबको एकएक दारी झार्नु पर्छ ।

०००
काठमाडौं