नेपाली हास्यव्यङ्ग्य अनलाइन पत्रिका

घरको काम सबै छाडी, गृहिणी धर्ना कसनु,
छोरा–छोरी पढ्न छाडी पट्टल कसी बसनु
यस्तो जिनिस आयो घरमा, यस्को नाम सुन सुन
नाम यस्को जप्ने गर, टि.भी. देवो नमो नमः ।

बुढो सधैं गन्गन् गरोस् टि.भी. बन्द नगरनु
‘कसौटी’, ‘कुसुम’, फिल्म र अरु च्यानल हेरनु
‘कोमलिका’, ‘प्रेरणा’ र ‘निकिता’हरू आदर्श बनाउनु
गाँस कटाई लोग्नेलाई पोतने घस्ने किनाउनु ।

न्यास, ध्यान, धर्म, कर्म अब पुरानो भैसक्यो
सासू, ससुरा, लोग्ने, बच्चा हेर्ने युग गैसक्यो
आधुनिक युगको साथी, टि.भी.सँगै बसनु
टि.भी. देवो नमो नमः यही मन्त्र जपनु ।

सरस्वतीनगर, चावहिल