नेपाली हास्यव्यङ्ग्य अनलाइन पत्रिका

जो हेर्यो
ऊ सानो देख्छु
जाँ पायो
त्यहिँ खुट्टा टेक्छु
आफूलाई हात्ती
अरुलाई झिँगो
दन्केको आगो
फिलिङ्गो देख्छु
कसैले बोलाए
पटक्कै बोल्दिन
बिना कौडी अब
मुख खोल्दै खोल्दिन
फलानोको झन्डा
काँधमा बोक्दिन
ढिस्कानोको भाषण
म ताली ठोक्दिन
माननीय ज्यू ज्यू
सलाम र नमस्कार
ढोग र भेट
मबाट बहिस्कार
मलाई त आज भूत चढेको छ
आजैदेखि लागु
हुने भाउ बढेको छ ।