नेपाली हास्यव्यङ्ग्य अनलाइन पत्रिका

सोझो भए सबले पेल्ने
कस्तो युग आयो ?
फटाहाको राज कत्रो ?
देश यसले खायो ।।

म हुँ बाहुन भनी हिँड्छ
जाँडमा छ टन्न ।
पण्डितका गिद्धे दृष्टि
मन हुन्छ खिन्न ।।

जनताको सेवक भन्छ
आफू मोज गर्छ ।
मौका परे हरे शिव
जनता नै लुट्छ ।।

जता गयो उतै भ्रष्ट
देश भयो रोगी ।
नालायक नेता हाम्रा
जनता भए जोगी ।।

युवा जति विदेशतिर
देशमा छैन काम ।
गरी खान कठिन भयो
कति दिने दाम ?

जनताको लागि भनी
आन्दोलन गर्ने ।
जनतालाई भेडा बनाई
आफू कुर्सी चढ्ने ।।
विराटनगर