नेपाली हास्यव्यङ्ग्य अनलाइन पत्रिका

नेपालका नेताहरूको तान्न पर्ने हो कान
वर्षौंवर्ष बितिसके खै त संविधान ?
सयौँ दलमा यी नेताहरू बाँडिएका छन्
प्रधानमन्त्रीको कुर्सीमा आँखा गाडिएका छन् ।

जनतालाई त नभै भएन यो संविधान
छ सय सभासद हुँदा पनि छैन छिनोफान
जेठ चौधमा बनाउँछौँ भनी देखाएथे सान
अहिले हेर नसकेर थुनेका छन् कान ।

चिन्ता छ एउटै कुराको यिनीहरूलाई
देशको ढुकुटी सकाएर खल्ती भर्नलाई
देशको विकास गर्न कहाँ हो कहाँ सोच्छन्
आफ्नो लागि भोट मागी भाषण गर्नलाई ।

सबै जनता मिलौँ अब असल नेता रोजौँ
माकुने, बाबुुराम हैन अब मन्डेला जस्ता खोजौँ
यी नेताको म्याद थप्न बाहेक छैन कुनै काम
दिन, हप्ता, महिना बिते खै त संविधान ?