नेपाली हास्यव्यङ्ग्य अनलाइन पत्रिका

अर्थहिन जस्तो लाग्छ
लोकको लागि नआएको लोकतन्त्र
गणको लागि नआएको गणतन्त्र
प्रजालाई सधै पच्काइरहने पच्कातन्त्र

अर्थ होला केवल
नेताहरूका लागि
वरिपरि घुम्ने झोलेको लागि
नाता कुटुम्ब डोलेका लागि

छेपाराले रंग फेरे जस्तो
गोमनले काँचुली फेरे जस्तो
लोकतन्त्र चाहिदैन

यस्तो होस् कि लोकतन्त्र
जहाँ कानुनी राज्य होस्
वर्गविहिन समाज होस्
सबैले समान अधिकार पाउन्

अतिरन्जित नहुन्
निर्दोषहरूमाथि लगाइएका
निराधार आरोपहरू

नलुकाइन
जघन्य अपराधका श्रृङखलाहरू
भ्रष्टाचारका फाइलहरू
दमनका चक्रभ्यहरू

सत्यलाई सत्य भन्न पाउँ
गलतलाई गलत भन्न पाउँ
वाक स्वतन्त्रताका नाममा

आफ्नो अधिकार प्रयोग गर्दा
अरुको अधिकार हनन नहोस्
यस्तो होस् प्रजातन्त्र
जहाँ सुखी नेपाली समृद्ध नेपाल होस् ।

०००
आछाम, हाल : काठमाडौं