हेम अधिकारीमैले हाँस्नु हुँदैन
मेरो पैतालाले शिखर नाप्नु हुँदैन रे फेरि मेरो प्रयोजन, मात्र बचेरा कोरल्नु हो रे किनकि म आइमाई हूँ रे त्यसैले मैले ठूलो आवाजमा हाँस्नु हुँदैन ।
नारदप्रसाद आचार्य ‘सुदामा’ :
म मुस्कुराएँ भने
साहुहरूको धितोमा
ग्रहण लाग्छ,
मैले पढेँ भने
समाजका धुरीहरूको
मस्तिष्कमा ढुसी पलाउँछ
मैले बोलेँ भने
देशका देउरालीहरू मेघ जस्तै गर्जन्छन्
अनि
मेरो पैतालाले शिखर नाप्नु हुँदैन रे
फेरि
मेरो प्रयोजन,
मात्र बचेरा कोरल्नु हो रे
किनकि म आइमाई हूँ रे
त्यसैले
मैले ठूलो आवाजमा हाँस्नु हुँदैन ।
०००
हेरिस्वर्ग, पेन्सिलभेनिया
संयुक्त राज्य अमेरिका ।
Subscribe
Login
0 Comments
Oldest
