नेपाली हास्यव्यङ्ग्य अनलाइन पत्रिका

ढोकाका यी खापामा
घाम जून
र नागदेवता बनेका छन् ।
एउटा विश्वास र सुरक्षा
कोरिएका छन् यी माथि ।
यिनलाई हेरेर हामीलाई
बाको सम्झना आउँछ ।

दाइले जब यिनलाई
फेर्ने कुरा गर्नु हुन्छ
आमा तसिर्नु हुन्छ
र थुप्रै थुप्रै रात, बाबा
उनको सपनामा आउँछन् ।
यी पुराना हुन्
तर कमजोर होइनन् ।
यिनको गतिमा
एक प्रकारको शक्ति छ ।

यी जब खुल्छन्
एक सम्पूर्ण संसार
हामीतिर खुल्छ ।
जब यी हुने छैनन्
घर
घर रहने छैन ।

यी केवल ढोकाका खापा होइनन्
जब यी हल्लिन्छन्
आमा कहालिनु हुन्छ
र सचेत आँखाले
हेर्नुहुन्छ– के भयो ?

मोटो साङ्लोको
चार कडीमा
एक सारा उमेर र स्मृतिहरू
बाँधिएका छन् ।

जब साङ्लो बज्छ
धेरै थोक बज्छन् घरमा ।