काशीनाथ मिश्रितआँखामा त फुलो रै’छ
भाग्य कोर्न पठाएका कलम तिन्को लुलो रै’छ
के को लेख्थे बकम्फुसे गफ मात्रै पो ठूलो रै’छ ।
मेची काली मिल्नु पर्ने होचो अग्लो सम्याएर
कठै !! बरा पाखण्डीका चारतिर पो चुलो रै’छ ।
पढेर हो कि त जान्ने कि परेर भन्थे पाका
तर कठै !! बिचराका दिमागमा त दुलो रै’छ ।
हाछ्युँ पनि गरे अनि मुखले भुके कति कति
भुइँमा लड्थे बिचरा नाकमा पर्या धुलो रै’छ ।
देखाका छौँ भन्थे अनि कान ठाडा पारि सुन्थे
अभिनय गरेछन् है !! आँखामा त फुलो रै’छ ।
