नेपाली हास्यव्यङ्ग्य अनलाइन पत्रिका

गरी धेर अल्छी सधैँ काम चोथ्र्यो
गफैमात्र हाँक्थ्यो ल है क्यै रहेछ
हिजोसम्मको त्यो फटाहा गुमाने
हरे, हेर लौ आज मन्त्री भएछ ।

थियो भूसतिघ्रे महामूर्ख स्वाँठ
सधैँ दुःख दिन्थ्यो गरी मारकाट
पढेको थियो आठ कक्षा मरेर
थियो वंशभित्रै सबैमाथि हेर ।

न गथ्र्यो कुनै बुद्धिमत्ता कुरो नै
न थ्यो ज्ञानको बुझ्न सक्ने चुरो नै
लुट्यो देश सारा हुँदा पञ्च पैले
दिई दान–चन्दा भयो साधु ऐले ।

चुनेछन् सबैले उतै माथिबाट
उसैको भलो भो दरै हो ललाट
सधैँ दुःख गर्ने दुखी नै छ आज
बन्यो ठालु जो हो उही गर्छ राज ।

छि ! कस्तो अचम्मै लु केके भएछ
हिजोसम्मको त्यो फटाहा गुमाने
हरे, हेर लौ आज मन्त्री भएछ ।

जुरोपानी, झापा