नेपाली हास्यव्यङ्ग्य अनलाइन पत्रिका

लम्किरहेको हात्तीको सिको गर्दै
साँघुरो कुवाको चौघेरामा ट्वार्र ट्वार्र गरिरहेछन् भ्यागुताहरू
चेपागाँडाको अगाडि बहादुर देखिन
सम्मेलन नामको वनभोज चलाइरहेछन् ।
लेखनदास दुनियाका अशिक्षितहरू
छापामा काला अक्षर गोब्र्याउँदै
भजन गाइरहेछन्
वनभोजको ।
अरबौँ खर्चिएको वनभोजमा
गरिबीको गीत गाइरहेछन्
असुरक्षाको मादल ठटाउँदै
सम्मेलन बाहिरको कफ्र्यु बिर्सिरहेछन् ।
बालकहरूको चिप्लेटी खेल्ने योजना जस्तो
देश जोड्ने रेल यात्राको कल्पना गर्छन्
बुझ्ने÷नबुझ्ने थप्पडी मार्दै हाँस्दैछन्
बस्, लय मिल्नुनै सम्मेलनको महान उद्देश्य भइरहेछ ।

काठमाडौं