नेपाली हास्यव्यङ्ग्य अनलाइन पत्रिका

तिम्रो माया मेरो लागि मेलम्चीको पानी भयो
आशैआशमा बस्दाबस्दै जिन्दगी नै जाने भयो

कैले सुस्ता सरी दुख्छ, कैले महेशपुरझै रुन्छ
तिमीलाई सम्झिँदा मन, कालापानी जस्तै हुन्छ
तिम्रो माया मेरो लागि, कोइलावासको खानी भयो
आशैआशमा बस्दाबस्दै जिन्दगी नै जाने भयो

मर्चवारले कपिलवस्तु, महलीको बाँधले बाके
डुबाएझैं लाग्छ मलाई, विश्वास र भरोसाले
तिम्रो माया मेरो लागि, टनकपुरको भूमि भयो
आशैआशमा बस्दाबस्दै जिन्दगी नै जाने भयो ।

हाल काठमाडौं