हाेमनाथ घिमिरेरानीपोखरी र फुलमायाँ
एक हुल
दानवबाट बलात्कृत
फूलमाया न्याय खोज्दै
न्यायलयको दैलो
ढकढकाउन आइपुगिन्
झिसमिसेमै
अबेरसम्म खुुलेन
न्यायलयको दैलो
अँगालोभरी न्याय च्यापेर
घर फकिर्ने
सपना बुुनेर आएकी फुलमायाले
घण्टौँसम्म कुरिन्
कालो कोटवाला न्यायाधीशलाई
छितिज पुुग्ने हतारोमा
घाम उकालिँदै गर्दा
कालो कोटवालाहरू
दैलोबाट हुुलका हुुल
भित्र र बाहिर गरिरहेका थिए
तर
उनलाई थाहा थिएन
को हुुन्
आफ्नो असली न्यायका पिता ?
अपरिचित थिइन् उनी
न्यायलयको दैलोसँग
त्यसैले मौनतालाई तोड्दै
निकाल्न थालिन्
करुण ध्वनि
हजुर मलाई न्याय चाहियो ?
उनको करुण ध्वनिले
ब्युुँतायो सारा सहर
तर ब्युँतेनन्
न्यायालयका न्यायाधीशहरू
उनले धिक्कारिन् आफ्नै कर्मलाई
सरापिन् न्याय मरेको सहरलाई
अनि भक्कानो पर्दै
घोप्टिन रानीपोखरीको काखमा
भोलिपल्टको झिसमिसेमै
अखबारका हेडलाइन बनेर आए
टेलिभिजनका पर्दामा
ब्रेकिङ न्युुज देखिए
रेडियोको ताजा खबर बने
गाउँबाट न्याय खोज्दै आएकी
फुलमायाँले
न्याय नपाएपछि
रानीपोखरीमा हाम फालेर
आत्महत्या गरिन् ।
काठमाडौं
