नेपाली हास्यव्यङ्ग्य अनलाइन पत्रिका

गणतत्र भन्छौ
सङ्घीयता भन्छौ
न यो देशमा गणतन्त्रको जग बसाल्छौ
न यो देशमा साँचो सङ्घीयता नै ल्याउँछौ ।

लोकतन्त्र भन्छौ
राष्ट्रियता भन्छौ
न यो देशको लोकतन्त्र निर्माण गर्छौ
न यो देशको राष्ट्रियता नै सबल बनाउँछौ ।

क्रान्ति भन्छौ
शान्ति भन्छौ
न यो देशमा कुनै क्रान्तिको अभिभारा बोक्छौ
न यो देशमा कुनै शान्तिको बाटो नै पहिल्याउँछौ ।

सत्य निरुपण भन्छौ
मानव अधिकार भन्छौ
न यो देशमा साँचो–सत्य खोज्छौ
न यो देशमा दण्डबिहिनतालाई नै रोक्छौ ।
तिमी भ्रममा छौ, तिमी लोभमा छौ
न तिम्रो यात्रा स्पष्ट छ, न तिम्रो गन्तव्य नै ।

अपशोच !
तिमी हाम्रा सारथी हौ, तिमी नै हाम्रा महारथी हौ
तिमी हाम्रा नेता हौ, तिमी नै हाम्रा “भाग्य विधाता” हौ ।
काठमाडौं
२०७१ । ०९ । ३०