रमेश प्रभातभोको चितुवा
जनता भोकै छन् यहाँ, शासक अघाएर कराउँछ
यो देशको ठूलो मान्छे रक्सी खाएर कराउँछ ।
नहुने हुनु छ सायद सपना बिग्रेर आयो
रातैपिच्छे जंगली स्याल बहुलाएर कराउँछ ।
विद्वानहरूमा लोभ उस्तै, गुुणहरूमा बेगुण फल्छ
आश लाग्दो मान्छे चोकमा लाज पचाएर कराउँछ ।
हरिणको पाठो बिहानै गौंडा तरेर पारि गयो
यता भोको चितुवा सिकार नपाएर कराउँछ ।
उर्लाबारी, मोरङ
Subscribe
Login
0 Comments
Oldest
