नेपाली हास्यव्यङ्ग्य अनलाइन पत्रिका

पद्न अलिक कमजोर छ, नेता बन्छ कि त ?
शैली स्वभाव हल्लाखोर छ, नेता बन्छ कि त ?

पछि बस्छ, छुस्-छुस् गर्छ, निहुँ मात्र खोज्छ
नचाहिँदो चर्को स्वर छ, नेता बन्छ कि त ?

सक्दिन केहि नि भन्दैन, भन्छ तर गर्दैन
बानी एकदम कामचोर छ, नेता बन्छ कि त ?

कम सुन्छ, धेरै बोल्छ,ढिपी जिती राख्छ
रिस-डाहा घनघोर छ, नेता बन्छ कि त ?

साथी फेर्छ, चउर फेर्छ, खेलै फेरी खेल्छ
मान्छे साच्चै भन्डाफोर छ, नेता बन्छ कि त ?