फित्काैली डटकमझरना मकवानपुरको वार्षिकाेत्सवमा स्रष्टाहरू पुरस्कृत हुने
झरना साहित्यिक परिवारकी अध्यक्ष गायत्री रुपाखेतीको सभाध्यक्षतामा सम्पन्न भएको उक्त कार्यक्रममा झरनाका संस्थापक अध्यक्ष रमेशमोहन अधिकारी तथा संरक्षक सल्लाहकारलगायतकाे उपस्थिति थियाे ।
हेटाैंडा, २०८२ माघ १७ । झरना साहित्यिक परिवार मकवानपुरको ३२३ औं साहित्य शृङ्खला एवम् ३३ औं वार्षिक उत्सवका अवसरमा आयोजना हुने सातौँ बकैया-कला साहित्य महोत्सव-२०८२ को पूर्वसन्ध्यामा हेटौडामा पत्रकार सम्मेलन कार्यक्रम आयोजना गरेको छ ।
झरना साहित्यिक परिवारकी अध्यक्ष गायत्री रुपाखेतीको सभाध्यक्षतामा सम्पन्न भएको उक्त कार्यक्रममा झरनाका संस्थापक अध्यक्ष रमेशमोहन अधिकारी तथा संरक्षक सल्लाहकार पूर्व तथा वर्तमान कार्यसमितिका पदाधिकारी , नेपाल पत्रकार महासंघ मकवानपुरका अध्यक्ष वालकृष्ण अधिकारी झरनाका सम्मानित पत्रकार रामकुमार एलन तथा विभिन्न सञ्चार माध्यमका सञ्चारकर्मी सहित २० जना भन्दा बढी उपस्थित रहेका थिए ।
उक्त कार्यक्रममा झरना साहित्यिक परिवार मकवानपुरको आयोजनामा २०८२ फागुन ५ र ६ गते महेन्द्र मावि, बकैया -४ मकवानपुरमा सम्पन्न हुने विशेष कार्यक्रममा सम्मान तथा पुरस्कार समर्पण, चित्रकला प्रदर्शनी,पत्रिका विमोचन, विभिन्न जातजातिका नृत्यहरू, बकैयाको काव्य महक, समकालीन गजल मुक्तक उत्सव, पालिका अध्यक्षलाई ७ प्रश्न, समकालीन काव्य उत्सव, सम्मानित स्रष्टाको रचना वाचन, नवसर्जक रचना वाचन लगायतका विविध कार्यक्रम बकैया गाउँपालिकाको प्रायोजनमा सुसम्पन्न हुने जनाइएको छ ।
झरना साहित्यिक परिवार मकवानपुरले विगतका वर्षहरुमा जस्तै यस वर्ष पनि समर्पण गरिने विभिन्न सम्मान मध्ये नेपाली साहित्यमा योगदान गरेबापत प्रदान गरिने नगद रू. २१ हजार १ सय २१ राशि सहितको होमनाथ–टीकामाया प्रतिभा सम्मान–२०८२ बाट पाँचथरका रमेश शुभेच्छुकलाइ प्रदान गरिने भएकाे छ ।
त्यसै गरी मुक्तकमा योगदान गरेवापत प्रदान गरिने नगद रू १५ हजार ५ सय ५५ राशि सहितको शिव–सावित्री अधिकारी स्मृति मुक्तक सम्मान–२०८२ बाट रुकुम पश्चिमका कर्णबहादुर खत्री, जिल्लामा साहित्यिक संस्था स्थापना र जगेर्ना गर्न योगदान गरेबापत प्रदान गरिने नगद रू १५ हजार ५ सय ५५ राशिसहितको बाबुलाल–भोजमाया स्मृति साहित्य सम्मान–२०८२ बाट मकवानपुरका डा. निमेष निखिललाइ, युवा साहित्यकारलाई प्रदान गर्ने नगद रू. ८ हजार ५ सय राशि सहितको खडानन्द–मनमाया प्रतिभा सम्मान–२०८२ बाट नेपालगञ्जकी ऋचा लुइटेललाइ , नगद रू. ७ हजार ७ सय ७७ राशिसहितको सुशीला दङ्गाल स्मृति सिर्जनशील नारी सम्मान–२०८२ बाट मकवानपुरकी संगीता थापालाइ प्रदान गरिने छ ।
नगद रु. ७ हजार ७ सय ७७ सहितको सञ्जीवन-बुटी साहित्य सम्मान–२०८२ बाट मकवानपुरका डा. अर्पण पराजुली, नगद रु. ११ हजार १ सय ११ सहितको गोकर्ण गौतम स्मृति पत्रकारिता सम्मान–२०८२ बाट मकवानपुरका दीपक अधिकारी, बकैयाका नवप्रतिभाको सम्मान गर्ने हेतुले स्थापित ५ हजार ५ सय ५५ रुपैयाँ राशीको झरना–बकैया नवप्रतिभा पुरस्कार–२०८२ बाट बकैया ३ स्थित बुद्धमावि हात्तीसुढेकी मोनिका नेगी, नगद ७ हजार ७ सय ७७ सहित खिमबहादुर खत्री स्मृति कलाकारिता सम्मान–२०८२ बाट मकवानपुरका सूर्य सन्यासी , नगद रु. ९ हजार नौ राशिसहित ऋषेश्वर–रुक्मिणी–लक्ष्मीदेवि खनाल साहित्य सम्मान–२०८२ बाट भैरहवाकी सिर्जना खनाललाइ दिने छ ।
यसै वर्षबाट स्थापना भएको लोक गीतसंगीतमा सेवा गरेबापत स्थापित नगद रु. ११,१११/- राशि सहितको ‘कुलकुमारी झलकनाथ लोक साहित्य सम्मान-२०८२’ बाट साहित्यकार एवं लोकगायक बझाङका नन्दकृष्ण जोशीलाई समर्पण गर्ने जानकारी गराइएको छ ।
०००
निलहरि ढुङ्गेलकाे साैजन्यमा
हार्दिक धन्यवाद फित्कौली !