नेपाली हास्यव्यङ्ग्य अनलाइन पत्रिका

गोमा रेग्मी :

हो स्वर्ग झैं लाग्दछ दिव्य काख
पाँए सदा प्रेम अमूल्य साथ।
देख्दा तिमी सार्थक लाग्छ जन्म
बाबा तिमी छोै अति धन्य धन्य।।

माफी दियोै जे जति भूल गर्दा
अल्छी हुँदा धेर अटेर गर्दा।
बोली सधैं सुन्छु अहो अमूल्य
बाबा तिमी छोै अति धन्य धन्य।।

संस्कार राम्रा जति हुन् सिकायोै
झर्को र फर्को नगरी बुझायोै।
सद्भाव सत्कर्म र दान पुण्य
बाबा तिमी छोै अति धन्य धन्य।।

तिम्रै सदीक्षा र सुमार्ग जानी
पाएँ सुधातुल्य छ जिन्दगानी।
सत्कर्म जानूँ म बनूँ अदम्य
बाबा तिमी छोै अति धन्य धन्य।।

सम्झेर तिम्रो ममता र प्यार
सम्मान मेरो छ हरेक बार।
आदर्श छोै आदि अनन्त सम्म
बाबा तिमी छोै अति धन्य धन्य ।।

उत्प्रेरणाका प्रतिमूर्ति एक
कर्मादिमा पुग्छ सदा विवेक।
साच्चै तिमी लाग्छ अनन्त ब्रम्ह्म
बाबा तिमी छाै अति धन्य धन्य ।।

०००
दक्षिणकाली