काेषराज न्याैपानेबाँकी रह्यो यो तुस
अर्प्याै स्वर्ण परन्तु जीवन-जगत् तिम्रो बन्यो निष्ठुर, हामीले गहना लियौँ र सजिलै सट्टा दिएछौँ विष। तिम्रो जीवनको अकाल गति भो बाँकी रह्यो यो तुस ।
हाम्रा व्यङ्ग्य र हास्यका कुलपिता नेपालका गौरव
त्यस्तो उच्च गरिष्ठ को छ अहिले गर्ने यहाँ पौरख
लेखी व्यङ्ग्य समाजका मुलुकका यो राष्ट्रमा चम्कने
हाम्रा भैरव हुन् अमूल्य गहना साहित्य चम्काउने
।१।
यौटा ज्योति थिए नि भानु जसरी मोती थिए चम्किला
त्यस्तै नै सम लेखनाथसँगमा श्री देवकोटा ठुला
हुन् सिद्धिप्रिय टाकुरा युगकला साहित्यका फाँटमा
त्यस्तै भैरव उच्च हास्यरसमा भर्ने कला आँतमा
।२।
जे अर्प्याै कवि हे परन्तु जहिल्यै पीडा पियौ उत्तर
अर्प्याै स्वर्ण परन्तु जीवन-जगत् तिम्रो बन्यो निष्ठुर
हामीले गहना लियौँ र सजिलै सट्टा दिएछौँ विष
तिम्रो जीवनको अकाल गति भो बाँकी रह्यो यो तुस
।३।
अक्षय निवास, बौद्ध, काठमाडौँ
Subscribe
Login
0 Comments
Oldest
