पिँडालु पण्डितसात सुसेली : चुनावी चड्कन
जित्ने को छ र बाजी मार्ने म नै हूँ अरू सोतर । आए स्वतन्त्र माछोमाछो भ्यागुतो के हो यो तन्त्र !
सत्ता खेती हो
जत्ति फल्छ सोहोर्छु
कुरो त्यत्ति हो ।
भर्ने हो झोला
आज साँचो बन्दिन्छु
भोलि जे होला ।
भने जितिन्छ
जता पनि ठिकै छ
ताली पिटिन्छ ।
हाम्रै किल्ला हो
जे भने’नि भैहाल्छ
राम्रै जिल्ला हो ।
हिजो कपुत
आज भान्सा मिले’सि
सबै सपुत ।
जित्ने को छ र
बाजी मार्ने म नै हूँ
अरू सोतर ।
आए स्वतन्त्र
माछोमाछो भ्यागुतो
के हो यो तन्त्र !
०००
काठमाडाैं
Subscribe
Login
0 Comments
Oldest
