अर्जुन पराजुलीतपाइँका बाको के जान्छ ?
बगली मारेको पैसा आधि आफूले खाओस् आधि पुलिसलाई बण्डा लाओस् त्यो पनि नभए छोरो नेता बनोस् सके छोराले मन्त्री खान्छ नसके तपाइँका बा को के जान्छ ।
छोरो सकेसम्म डाक्टर होओस्
पैसाबिना विरामी छुँदै नछोओस् ।
डाक्टर नभए इन्जिनियररिङ गरोस्
गिट्टी बालुवा र अलकत्रा चरोस् .
त्योपनि नभए
सरकारी कर्मचारीमा झरोस्
घुस हसुरोस थैलो भरोस्
त्यो पनि नभए
झोला बोक्ने शिक्षक बनोस्
दुईमा दुई जोड्दा पाँच हुन्छ भनोस्
त्यो पनि नभए
बगली मार्न जाओस्
बगली मारेको पैसा
आधि आफूले खाओस्
आधि पुलिसलाई बण्डा लाओस्
त्यो पनि नभए छोरो नेता बनोस्
सके छोराले मन्त्री खान्छ
नसके तपाइँका बाको के जान्छ ?
०००
सितलपाखा, कीर्तिपुर
Subscribe
Login
0 Comments
Oldest
