महेन्द्र राईतीन टुक्रा कविता
गाँस, बास, कपास हारेको छु हिजैँ हारेको छु, आजैँ हारेको छु निश्चित छ भोलि पनि हार्दैछु बाँकी धेरै कुराहरु हार्नु छ हार्न अझै तयार छु हार्न बानी परेको छ
महेन्द्र राई :
१. नेताजी
चप्पलदेखि बुटसम्म
बुटदेखि सुटसम्म
झुपडीदेखि महलसम्म
गाउँदेखि शहरसम्म
कसरी चिन्नु नेताजीलाई ?
कालो सिसाभित्र ।
२. लोकतन्त्र
बहिस्करणमा छ
इमान, निष्ठा र नैतिकता
किनबेचको साधन बनेको छ
पद, प्रतिष्ठा र जिम्मेवारी
निगाहाको पात्र भएको छ
त्याग, सङ्घर्ष र बलिदान
गुमनाम छ क्षमता र विज्ञता
व्यास्त छ, मस्त छ, दलाल चाकरीको राज ।
३. गरीबी
गाँस, बास, कपास हारेको छु
हिजैँ हारेको छु, आजैँ हारेको छु
निश्चित छ भोलि पनि हार्दैछु
बाँकी धेरै कुराहरु हार्नु छ
हार्न अझै तयार छु
हार्न बानी परेको छ ।
०००
गाईघाट, उदयपुर ।
Subscribe
Login
0 Comments
Oldest
