नेपाली हास्यव्यङ्ग्य अनलाइन पत्रिका

महेन्द्र राई :

१. भ्रष्टहरू

उसले आफूलाई राष्ट्रवादी कहलाउन खोज्छ
तर ऊसँग राष्ट्रियता हुँदैन,
देश प्रेम झल्काउन खोज्छ ऊ
तर ऊसँग देशभक्ति हुँदैन ।
हुन त ऊ
सवै देशमा हुन्छ,
तर उसको खास देश हुँदैन ।

२. सांसदहरू

भो यार छाडि देऊ
त्यस्ता कुराहरू
हाम्रो हातमा के पो छ र ?
ऊ घण्टी बजिसक्यो
ताली बजाउने बेला भयो
पारित गर्नु छ
जरुरी प्रस्ताव
आफ्नो खुट्टामा बञ्चरो…
लागौ त्यतैतिर ।

३. पुराना दलहरू

पुरानो शहरको गल्ली
रङ्गहिन घरहरू
फुलेका जुँगादाह्री
पिठ फर्केका सिपाइहरू ।

४. कृषकहरू
घाम पानी नमिलेको कसरी भनौँ
राम्रै छन् फसलहरू
बजार लिइसक्यो छिमेकीले
सडेर जानेभो फेरि
फालिदेऊ सडकतिर
रमिते सरकार !!

०००
गाईघाट, उदयपुर