नेपाली हास्यव्यङ्ग्य अनलाइन पत्रिका

१.
पासा जाल सकेसम्म फेकिँदैछ ऐले
दर्शनको नारा भीड देखिँदैछ ऐले
सु–शासनको नयाँ भाका झिकीझिकी
अन्धाहरूलाई ऐना बेचिँदैछ ऐले ।

२.
इज्जत जान्छ भनी कति डर मान्छन्
आत्मा झुकाउने तिखो सर मान्छन्
लाज, घिन मान्छौँ हामी तर ठूला–वडा
दलालीलाई ईश्वरकै वर मान्छन् ।

३.
भत्काएर बार पाटी उरालेर देश
सार्वजनिक सम्पत्तिलाई पार्दै ध्वंश ध्वंश
किन ? भन्दा राष्ट्रोत्थान गरिरेछौँ भन्छन्
एउटा लाग्छ जरासन्ध अर्काे हुँदै कंश ।

४.
राष्ट्रियता चिथोरेर सातो लानेहरू
फरिया र पेटिकोट ओढी जानेहरू
यतिखेर फणा उठाई गोमनझैँ बन्दै
राष्ट्रवादी हुँदैगा’छन् देश खानेहरू ।

निर्माेहीनगर, चन्द्रनिगाहपुर
रौतहट ।