नेपाली हास्यव्यङ्ग्य अनलाइन पत्रिका

१.काठमाडौँ सहर

कामभन्दा कुरा धेरै जाँगरभन्दा फूर्ति
अस्पतालभन्दा भट्टी धेरै ओखती भन्दा सूर्ति
घरभन्दा मन्दिर धेरै मान्छेभन्दा मूर्ति
मन्दिरै मन्दिरको काठमाडौँ सहर
जहाँ मूर्तिहरू वस्त्रधारण गर्छन्
अनि मान्छेहरू अर्धनग्न हिँड्छन् ।

२. आधुनिक छोरी

विचार र चिन्तनमा बिर्काे लगाएर
खुट्टामा पनि पशुका खुरझैँ नङ पालेकी छ
वक्षस्थल र तिघ्रा देखाएर
‘फेसन सो’का नाउँमा पाइला चालेकी छ
बाउको कपडा पसल भएर के गर्नु हजुर
सभ्यता नाङ्गिदा छोरीले
शिशिरको जाडोमा समेत
जिउकै कपडा फालेकी छ ।
हाल– कीर्तिपुर