नेपाली हास्यव्यङ्ग्य अनलाइन पत्रिका

शासकले रूप फेर्दैमा

फेरिने भए दिनचर्या
चुनु गुरूङकी बेलीसरा
किन गर्थिन् गाउँ बेसी
डोकोभरी शासन मास्ने डल्ला
खोस्मेराले छोपेर
समयले शासक
फेर्दैमा फेरिने भए दुस्काल
किन डुल्थ्यो शिवकोे सारङ्गी
रिठ्ठेपानीबाट अझै कुनातिर
किन बोल्थ्यो
इच्छुकको कविताले
शासन विरूद्ध
शासकले गुण नफेर्दै
फेरिने भए शासन
अनौ छाडेर
किन समाउनुपथ्र्यो
हलीले हतियार
मेलापात गर्नेले
किन पोको पार्नुपथ्र्यो
पोल्टामा मृत्यु
शासकले घुँडा टेक्दैमा
जनताले जितेको ठहरिने भए
किन गर्नुपथ्र्यो
शासन विरूद्ध पुन उद्घोष
फेरि किन ?