काशीनाथ मिश्रितजसो तसो फेरियो यो साल
जसो तसो फेरियो यो साल आजदेखि
गरिवीको छानो बनोस् पाल आजदेखि ।
पूर्व पश्चिम नेपाल रोयो पीडा नसहेर
नदेखिने भए हुन्थ्यो नाल आजदेखि ।
सुख शान्त समृद्धिको बने हुन्थ्यो नेपाल
सुध्रिइँदै आओस फेरि हाल आजदेखि ।
गर्ने खाने पालो आओस् उनै गरिवीको
हटोस् सबै गरिव मर्ने जाल आजदेखि ।
धनी गरिव सिमारेखा टुटे हुन्छ अब
नबनोस् यी समाजका ढाल आजदेखि ।
गाउँ घर पनि उठ्ने बेला भएको छ
विवश बनि नआइदियोस् काल आजदेखि ।
क्याक्मी, स्याङ्जा
Subscribe
Login
0 Comments
Oldest
