नेपाली हास्यव्यङ्ग्य अनलाइन पत्रिका

हरेक साल आउँछ जान्छ
आशाका मीठा सपना बोकाउँछ
पुरा होस् नहोस् ईच्छाहरू
खुल्दुली साह्रै मच्चाउँछ
बाह्रै महिना झुलाएर
खुस्स आफै भागी जान्छ
यो बर्ष यति नै भो
आउने बर्ष हुन्छ भन्छ
देशका नेता झै नयाँ बर्ष
बेकाम र निकम्मा हुन्छ
आशै आशमा आएर
निस्वाश पार्दै जान्छ
प्रत्येक बर्ष नाताहरू
बढाउँदै र घटाउँदै जान्छ
उमेरमा एक धर्का मात्र हैन
पात्रोमा एक बर्ष कोरेर जान्छ
प्रत्येक बर्ष आउँछ नयाँ बर्ष
खै के चै खुत्याउँछ ???
काठमाडौं