नेपाली हास्यव्यङ्ग्य अनलाइन पत्रिका

दिव्य गिरी :

यमराजक‍ो ढोका अघिल्तिर पृथ्वीबाट मृत्युभएर गएकाहरूको लाम ठूलो थियोे । यमराज र उनका दूतहरूलाई भ्याइनभ्याई थियो ।
मृत्यु भएर जानेहरूमा सबै वर्गका मान्छेहरू थिए ।

“नाम मात्रै होइन, थर पनि भन्” । उसलाई यमदूतले भन्यो ।
“प्रभु ! मेरो त नाम, थर र पेशा पनि यौटै छ म के भनूँ ?” उसले नरम भएर उत्तर दियो । उसको कुरा सुनेर यमदूत र अरूहरू पनि छक्क परे ।

“अहिलेसम्म यस्तो सुनेकै थिएन । के काम गर्ने गरेको थिइस् ?” यमदूत अलिकति रिसाएको जस्तो देखियो ।

“पृथ्वीलोकमा अदालतले मृत्युदण्ड दिएका कैदीलाई झुण्डाउने काम गर्थें । त्यसैले मलाई सबैले “जल्लाद” मात्रै भन्थे र चिन्थे । मेरो परिचय त्यही थियो ।”

००० 
ललितपुर
श्रावण १४, २०८३,