नेपाली हास्यव्यङ्ग्य अनलाइन पत्रिका

साधुराम खड्का :

शहरको भीडमा हराउँछ मान्छे
आफन्तको नजरमा किन टाढिन्छ मान्छे
खै कसलाई के देख्छ कुन्नी
त्यसकै पछि पछि कुद्छ मान्छे

भोक, प्यास, निन्द्रामै छट्पटिन्छ मान्छे
आफैं बिर्सी पैसाकै पछि लाग्छ मान्छे
अरूलाई आफ्नो बनाउने धुनमा
आफैंले आफैंलाई बिर्सिदिन्छ मान्छे

सोचेको के, पाउँछ अर्कै त्यो मान्छे
संसारलाई आफ्नै भन्ने भ्रम्मा छ मान्छे
धोका पाउँदा नि खुशीको नाटक गरी
जीवन जिउन बाध्य हुन्छ मान्छे !

काट्न लागेको खसीलाई दाना दिन्छ मान्छे
आफैंले आफैंलाई धोका पनि दिन्छ मान्छे
मुख अगाडि सबै ठिक पारी
पछाडिबाट लात हान्छ त्यै मान्छे।

०००
बुढानिलकण्ठ, काठमाडाैं