रणबहादुर बुढाथोकी ‘भैया’साथीहरू छन् केही किर्ना झैँ
यिनले देख्न चाहदैनन् मलाई हृष्टपुष्ट मुखमा रामराम बगलीमा छुरा हुने दुष्ट चाहे यिनले बिरोध गरुन् चाहे होऊन् रुष्ट आफ्नो जिद्दी छोड्दिन म हिन्छु सुस्त सुस्त।
रणबहादुर बुढाथोकी “भैया”:
साथीहरू छन् केही किर्ना झैँ
उठ्छ रिस गर्दिन घृणा चाइँ।
ग्यान्टे ग्यान्टे मिलिकन क्यान्टिनमा जान्छन्
च्यान्टी सित मेरो नाउँमा खाजा मागी खान्छन्
ढङ्ग नभा आवाराले मैलाई व्यङ्ग्य हान्छन्
जस्ले मेरो खेदो गर्छ उस्लाई नेता ठान्छन्।
साथीहरू छन् केही किर्ना झैँ
उठ्छ रिस गर्दिन घृणा चाइँ।
देख्ना डाल खाना काल सञ्जालका साथी
नत लाइक नत सेयर कति विश्वासघाती
बताँसेका रैछन् बरु गाइज कति जाति
अल्गोरिदम प्रयोग गरी पुऱ्याई दिए माथि।
साथीहरू छन् केही किर्ना झैँ
उठ्छ रिस गर्दिन घृणा चाइँ।
यिनले देख्न चाहदैनन् मलाई हृष्टपुष्ट
मुखमा रामराम बगलीमा छुरा हुने दुष्ट
चाहे यिनले बिरोध गरुन् चाहे होऊन् रुष्ट
आफ्नो जिद्दी छोड्दिन म हिन्छु सुस्त सुस्त।
साथीहरू छन् केही किर्ना झैँ
उठ्छ रिस गर्दिन घृणा चाइँ।
०००
बूढानीलकण्ठ – ८ हात्तीगौँडा
काठमाण्डौं,नेपाल।
पिर्नसम्म पिर्याछन् किर्नाले
घैँटामा घाम तिनको नफिर्नाले
😀😀😀