देविका तिमिल्सिनासुशासनको चुरिफुरी
देशको बिजुलीको भाउ बढेको छ विदेशी ग्याँसको अभाव भएको छ गृहिणीहरु अदालतको खरानी उठाएर घरको चूल्होमा उर्जा थप्न खोज्छन् तर खरानीले चूल्हो बल्दो रहेनछ ।
देविका तिमिल्सिना :
सडक उर्वर छ र चिसिएको छ
चिसिनु मात्र त केही होइन
पूरै रुझेको छ भिजेको छ
रुभ्mनु भिभ्mनु त केही होइन
कतै मूल फुटे जस्तो गरी घरमै छिरेको छ
सानो तिनो खहरे जस्तै भेल बगेको छ ।
सुशाशनको झण्डा बोकेको सिंह
दरबार भन्नु मात्रको खरानीमा उभिएको छ
सिंह मात्र होइन खरानी माथि उभिएको
सुशाशनको सत्ता पनि खरानी माथि नै छ
भनिरहनु पर्दैन खरानी भष्म हो ध्वंश हो
ध्वंशको गर्भबाट जन्मिएको सुशाशन कस्तो होला हो ?
बजार छ व्यापार छैन होस् पनि कसरी ?
उपभोक्ताको लुगामा खल्ती छ तर पैसा छैन
भष्मे सुशाशन भन्थ्यो युवाको रोजगारी हुनेछ
सवैको खल्ती भरिनेछ गाँस बासको चिन्ता हुनेछैन
रोगी वृद्ध दम्पतिले जल समाधि रोजेपछि
सुकुम्वासी र ऋणीहरुले आत्मदाहको बाटो लिएपछि
कहाँ भेट्न सक्छ खरानी सुशाशनले चिन्तित नागरिक ?
त्यसैले अहिले सुशाशन फष्टाएको छ
देशको बिजुलीको भाउ बढेको छ
विदेशी ग्याँसको अभाव भएको छ
गृहिणीहरु अदालतको खरानी उठाएर
घरको चूल्होमा उर्जा थप्न खोज्छन्
तर खरानीले चूल्हो बल्दो रहेनछ ।
०००
काठमाडौ
Subscribe
Login
0 Comments
Oldest
