नेपाली हास्यव्यङ्ग्य अनलाइन पत्रिका

जयराम शर्मा :

चुईँचुइँ चुईँ चुइँकिने जुत्ता पलाञ्चोके त हैन है।
पश्चिमाञ्चलको यात्रा चिनो आयो कताडि खै।।

दौरासुरुवाल दाने हुन् तीन्तही हस्त निर्मित।
पटुकी कुरुसे त्यान्द्रो सिकारुबाट सिर्जित।।

पुर्खाले कसरी जोडे बिर्खेटोपी म जान्दिन !
मालाको कमि के हुन्थ्यो टिप्थ्यौं फूल त दिन्दिन !

घिरौंले नाकमा चश्मा लत्रियो खस्छुझैं गरी।
टाँडमा थच्चिए बोके घुँडामा बालकेशरी !

कमलाभेलले ल्यायो जराजोडी अचम्मको
ढुङ्गाअड्डा पुगी यो त सजियो च्वाट्ट देखियो।।

दुईबीस बित्यो काल फोटोले घच्घच्याउँदा।
अतीत बल्झियो आज झिटीगुण्टा तलाउँदा।।

बालबृद्ध चिनौं आफै अरु भन्दिन क्यै पनि।
मनोरञ्जनको यौटा पाटो संझेर हाँस्नु नि !

०००
सानेपा, ललितपुर