युगल बसेलग्यास ल्याएँ ग्यास !
सम्भाव्य संकट भइसक्यो पास भए मेरा सबै दुख नाश एलपीजी निम्ति गर्दिनँ बकवास ग्यास ग्यास ग्यास ल्याएँ मैले तिरेर क्यास ।
युगल बसेल :
ग्यास ग्यास ग्यास
ल्याएँ मैले तिरेर क्यास
अनि त म गज्जबले दङदास
सुगन्धी लाग्छ यो गनाउने बतास
भन्दिनँ म कसैलाई बदमास
जम्मा पर्खेँ करिब सवा मास
सार्न परेन गाउँतिर बास
गर्न परेन दाउराको आश
सरकारलाई लाख स्याबास !
घरमा सुरु भाथ्यो रुवावास
रोकिने भो भनेर भातको गास
अब बहाल भो उमङ्ग उल्लास
काउकाउ पेट र चाउचाउको त्रास
हट्यो किन हुनु र उदास ?
अब भात छड्किन्छ बिन्दास
ढुक्कै निलिन्छ चल्ला जत्रा गास
सम्भाव्य संकट भइसक्यो पास
भए मेरा सबै दुख नाश
एलपीजी निम्ति गर्दिनँ बकवास
ग्यास ग्यास ग्यास
ल्याएँ मैले तिरेर क्यास ।
०००
सन्धिखर्क – तुमकोट (हाल चन्द्रागिरी – ११)
करीब महिनालाई बन्द भयो तपाईंको बकवास त्यस पछि पुनः गर्नुपर्ने हुन्छ खोज तलाश
😁🙏
टाउको कन्याएँ ख्यासख्यास, जति लागे पनि तिर्छु भने क्यास,
आआफ्नाले फिक्सिङ गरिसकेका रहेछन् म्याच, रित्तो सिलिन्डर बोकी झरेँ ख्याँच ख्याँच😃🙏