नेपाली हास्यव्यङ्ग्य अनलाइन पत्रिका

युगल बसेल :

मैले चुनाव हारेँ ल है मैले चुनाव हारेँ !
लथालिङ्ग पारेँ पार्टी लथालिङ्ग पारेँ ।

अक्कडिएँ, निमोठिएँ मैले के बिराएँ ?
हुकुमी चलन चलाएँ मैले के बिराएँ ?
मत घटाएँ मत घटाएँ रनभुल्ल पारेँ
मैले चुनाव हारेँ ल है मैले चुनाव हारेँ !
लथालिङ्ग पारेँ पार्टी लथालिङ्ग पारेँ ।

मै हुँ भन्ने ट्रम्प हार्थे , मोदी पनि हार्लान्
आज नाक फुलाउनेका ग्राफ तल झर्लान्
यही कल्पी अहं त झन् कराँतिलो पारेँ
मैले चुनाव हारेँ ल है मैले चुनाव हारेँ !
लथालिङ्ग पारेँ पार्टी लथालिङ्ग पारेँ ।

झिँगाले सराप्दा कतै डिँगा मर्ने हैन
विरोधीले खुच्चिङ् भनून् सेखी झर्ने छैन
झोले हुललाई गुलामीमा मख्खै चख्खै पारेँ
मैले चुनाव हारेँ ल है मैले चुनाव हारेँ !
लथालिङ्ग पारेँ पार्टी लथालिङ्ग पारेँ ।

०००
सन्धिखर्क – तुम्कोट