साधुराम खड्काहाम्रो बानी
समय न हो सात्क्षात् भगवान् हामीले बृद्दाश्रमको विकल्प खोजौँ मनमै अँध्यारो गडेको छ हाम्रो मन्दिरमा हामी दियो किन बाल्छौँ पालो सबैको आउँछ है एकदिन हामी सबैले मनन गरौँ !
साधुराम खड्का :
खेतबारी बाँझो राखी
रेडिमेड खाना खान्छौँ
देशमा काम केहि छैन भनी
पासपोर्ट बोकी विदेश लाग्छौँ
देशको माया मुटुमा संगाली
फेसबुकमा हामी छपक्कै हाल्छौँ
मकैभटमास त लोपै भयो
मम पिज्जा खाजा खान्छौँ
कस्तो सम्वृद्दि आयो देशमा
करै करको भारी बोक्छौँ
आधुनिकता त यस्तो भो कि
घरघरमा कुकुर पाल्छौँ
जन्मदिने बाआमाको मतलब छैन
बाआमालाई बृद्दाश्रममा राख्छौँ
समय न हो सात्क्षात् भगवान्
हामीले बृद्दाश्रमको विकल्प खोजौँ
मनमै अँध्यारो गडेको छ हाम्रो
मन्दिरमा हामी दियो किन बाल्छौँ
पालो सबैको आउँछ है एकदिन
हामी सबैले मनन गरौँ !
०००
बुढानीलकण्ठ, काठमाडाैं
Subscribe
Login
0 Comments
Oldest
