रुद्र ज्ञवालीदुई ठोक्तक
१.
बाआमाकै कुराको पछि लागै कि डर लाग्छ,
पराइसँग नाता जोडी भाग्छौ कि डर लाग्छ ।
केही पनि चाहिंदैन भनी ऐले बिहे गरेका छौ,
दुई चार वर्षपछि दाइजो माग्छौ कि डर लाग्छ ।
२.
पुरूष ठूलो हो भन्ने भाव जगाउन पाइन्छ भनेर,
अनेक बहानामा गाउँबाट भगाउन पाइन्छ भनेर
विधवाले सेतो लगाउनै पर्ने नियम बनायो समाजले,
चाहको बेला त्यसमा दाग लगाउन पाइन्छ भनेर ।
अनुपम साहित्यिक प्रतिष्ठान, स्याङ्जा
Subscribe
Login
0 Comments
Oldest
