नेपाली हास्यव्यङ्ग्य अनलाइन पत्रिका

१.नभइ हुँदैन

हलोमा फाली
नियुक्ति दिन खाली
सहरमा नाली र
राजनीतिमा महाकाली
नभइ हुँदैन ।

२. आवश्यकता

चिठी लेखेपछि त्यसलाई टाँस्न गम चाहिन्छ,
हामी नेपाली भीरपाखा खोस्रेर बाँच्छौं
कहाँ ट्याङ्क, गोला र बमको कुरा
गरिब हाँस्न त मिठो आलुदम चाहिन्छ ।

३. धेरै भए

गुरुभन्दा चेला धेरै भए
काम गर्ने छैनन् गोष्ठी र भेला धेरै भए
नायकको अभाव थियो यहाँ
तर खलनायकहरूको प्रदर्शन बीच
व्यर्थ राजनीतिका खेला धेरै भए ।

मन्थली, रामेछाप