नेपाली हास्यव्यङ्ग्य अनलाइन पत्रिका

१.
सिकाउ कसरी गल्ती हुदैन, गाली नगर
उखेली बिश्वास सब, मनलाई खाली नगर
जो झुकेपनि हुन्छ रिसाउँदा, बोलाए हुन्छ
सधैँ सधैँ झुक्नु पर्ने, मेरै मात्र पालि नगर !

२.
कृष्णलाई पनि पर्छ कोइ दिन सुदामाको खाँचो
कपाल पाको भएर के गर्नु मष्तिस्क रहेछ काँचो
पटक पटक बन्द ढोका खोल्न खोजेको मैले पनि
खुलेन ताल्चा त्यो ढोकाको अर्कै परेछ साँचो !

३.
सागर सधैँ प्रशान्त, खहरे नै रवाफी हुन्छ
प्रचण्ड अभावमा पनि धैर्य नै काफी हुन्छ
लाग्यो एकछिन प्रतिशोधको आगो सल्काऊँ
सोचेँ सन्तको शोभा , अविचलित माफी हुन्छ !