रमेश प्रभातदेशभक्त त कारागारमा ?
छापिएको झुठ समाचारमा रहेछ
गल्लीभित्र जवानी ब्यापारमा रहेछ ।
आँसु नै मेरो भाग्य बनाएछ भावीले
जन्मैदेखि लेखेको निधारमा रहेछ ।
गाउँमा सबै बस्थे खरको छानोमुनि
सहरियाहरू बस्ने दरवारमा रहेछ ।
जनतामा त थ्यो आत्मीयता सँधैसँधै
अनेकथरी विवाद सरकारमा रहेछ ।
भ्रष्टाचारी–गद्धार पालेका छन् महलमा
कठै ! त्यो देशभक्त कारागारमा रहेछ ।
दर्बुङ गोरखा
हाल : काठमाडौं
Subscribe
Login
0 Comments
Oldest
