नेपाली हास्यव्यङ्ग्य अनलाइन पत्रिका

ध्रवकृष्ण दीप

जताततै रङ्गै रङ्ग छ
आफ्नो अनुहार बिगारेर
मान्छे आँफै दङ्ग छ ।

—-

मधु माधुर्य
होली हाईकु

एउटा गोली–
सहिदको
रातो होली !

मेरो होली–
छातीमा सदाबहार
अनुभूतिहरूको
रङ्ग घोली !

शुभकामना
हजुरलाई
‘ह्प्पी होली’ !

—–

अञ्जु पुरी

लाजको अबीर

तिम्रो तीखो नजÞरको लोला जसै
मेरो अनुहारमा आएर ठोक्कियो
परेला झुके, ओठ थर्थराए,
गालाभरि लाजको अबीर पोख्खियो !

—–

विष्णु न्यौपाने

होली हाइकु

भो नहानौं
त्यो रगताम्य गोली
चैतमा होली ।

को हुन् तिनी ?
होलिका कि लोलिका ?
विकृत चाड ।

होलीको मोह
कि केटी भेट्ने जोह ?
रङ बहाना ।

रङको होली
नबनोस् कहीँ गोली
पीडाको झोली ।

बसन्त ल्याउँ
मान्छेका मन भित्र
खेलेर होली ।

—–

दुर्गाप्रसाद ग्वालटारे
बहाना

म मातें भन्ठान्नु भो यहाँले ?
भाङ खाए जस्तो गरी पेडा पो खाएको हुँ ।
कति त्यै घरमा छिर्छस् भन्नु भा यहाँले ?
रङ्ग दल्ने निहुले उनको डेरा पो धाएको हुँ ।
दुई दुई महिनामा आए हुन्थ्यो जस्तो भो होली,
लभ गरेको वर्ष दिनमा बल्ल उनलाई भेट्ने बहाना पाएको हुँ ।

—–

नवराज पहाडी
कसैको नहोस् समाजमा सुन्दैमा लाज लाग्ने बोली शर्मको
आदर्शमय जीवन बनोस् व्यवहार जस्तै बोली कर्मको
रङ्गको पर्वझैँ उल्लासपूर्ण बन्न सकोस् यहाँको जीवन
हार्दिक शुभकामना छ सपरिवारमा होली पर्वको ।

—–

मधुश न्यौपाने

रङको कति परिभाषा !
कहिले रङको प्रसंसामा खुशी र ताली ।
कहिले रङ फेर्‍यो भनेर भव्य गाली।।
तब न रङ कहिलै मर्दैन ।

 —–

इन्द्रनारायण चोङवाङ

बिधुवा छ देश मेरो आज अरे होली
पाउरोटी भन्दा सस्तो देख्छु यहाँ गोली
भोक संग रोग रुन्छ सुन्ने कोहि छैन
जननेता रंग फेर्दै संधै भन्छन् भोलि !

——-

साधुराम खड्का
होली मनाउने हो भने

होलीले चोली भिज्नु पर्छ

चोलीको तुना तुनाबाट
रङ्गीन पानी तर्कनु पर्छ
सधैभरिी बिजुली र पानी पाउनु पर्छ
नभए तामाकोशी र मेलम्ची पूरा गर्नुपर्छ
महँगीको त कुरै छोडौं मकै भुटी खानुपर्छ
तेलको भाउ बढ्दा बढ्दा
११ नं.को गियरमा जानुपर्छ
साँच्चै नै होली मनाउने नै हो भने
अनुहारमा कलर हैन
होलसेल प्याकेज ल्याउनु पर्छ ।

 ——

निशा केसी

रंगमा रंग मिसाई, बेरंग बनाई जानेलाई
घोली मोबिल, मै माथी खन्याई जानेलाई
खोजिरहेँ फागुका हर रंग, हर उल्लासमा
गयल यता, उता हाजिरी जनाई जानेलाई ।

——

देव भट्टराई 

रातो रंग दली शरीर भरि नै पुन्टे धपक्कै बल्यो 
डण्डीफोर थियो मुहारभरि नै छोपेर नीलो दल्यो 
कालो दाग र रागबाट बिचरी भुन्टी थिई आजित 
सातै रंग दलेर भै नचिनिने होली संगै हर्षित