नेपाली हास्यव्यङ्ग्य अनलाइन पत्रिका

नेत्र खड्का :

१.
बकुल्ले र भट्मासेहरू अब पैसाले सबै महाराजी भए
काजीहरू पाजी भए त पाजीहरु नक्कली काजी भए
के गर्नु हजुर ? हेर्दा हेर्दै यो कलियुगमा यी सबै धेरै
मूर्ख र गनाउनेहरू अब त एक नम्बरको देशबासी भए ।

२.
कसैले व्यङ्ग्य गर्‍यो भन्दैमा तिमी किन बेनामी गाली भन्छौ ?
तिमी सुद्रिई सक्यौ अब हेर, तै पनि किन अझै जाली बन्छौ ?
अनुहार हेरन एक पटक ऐनामा बुढा, देख्छौ चाउरी परेको
डाडाँ पारिको घाम झै भई सक्यौ तैपनि किन पाप खन्छौ ?

३.
धेरै मान्छेहरूको धमण्डको पारा बाचुन्जेल किन बढिरहने ?
तर मिल्ने छ के नै यसबाट यिनिहरुले यस्तो किन गरिरहने?
जानेर पनि अन्जान बन्ने अधिकांश यी धमंण्डिहरुको चाला
दानवको झैँ यिनीहरूको अभिमान मरेपछि मात्र सकि जाला ।

०००
अष्ट्रेलिया