नेपाली हास्यव्यङ्ग्य अनलाइन पत्रिका

टेलिभिजनको रङ्गिन पर्दामा सचित्र समाचार आइरहेछ । मुख्य समाचार अघि नै भट्ट्याइसकेको छ उसले । सानो विज्ञापनपछि समाचारलाई पूणर् पाठमा लैजाने बानी परिसकेको छ उसलाई धेरै अघिदेखि । अरू टेलिभिजन, एफएम र रेडियोहरूको पनि यस्तै प्रचलन छ । समाचारको धुन । समयको जानकारी । समाचारका मुख्य-मुख्य अंश । विज्ञापन । अनि पूरा समाचार । वरदेशमा मात्र होइन, परदेशमा पनि यस्तै चलन देखिन्छ यी सञ्चार माध्यमहरूको ।

अब सुत्रुस् पूरा समाचार । आज हुने भनिएको … राजनीतिक पार्टीको केन्द्रीय समितिको बैठक फेरि पनि बस्न सकेन । नेताहरूले होम वर्क पूरा गर्न नसकेकाले बैठक बस्न नसकेको कुरा जनाएका छन् । होम वर्क पूरा भएपछि अर्को बैठक अबको पन्ध्र दिनपछि बस्नेछ । यसअघि बस्ने भनिएको केन्द्रीय समितिको बैठक पनि होम वर्क पूरा नभएकै कारण बस्न सकेको थिएन । पन्ध्र दिनपछि सारिएको पूर्व बैठक अब फेरि अर्को पन्ध्र दिनका लागि पछि सरेको छ । त्यतिन्जेलसम्ममा सबै होम वर्क पूरा हुने कुरा नेताहरूले बताएका छन् ।

मम्मी मम्मी ल ! टेलिभिजनको समाचार सुत्रुस् त । हजुर मलाई मात्रै होम वर्क गरेन भनेर गाली गर्नु हुन्छ नि । देशका ठूल्ठूला राजनीतिक दल र तिनका नेताहरूले पनि त बेलामा होम वर्क गर्दा रहेनछन् नि ! मैले त हिजो नभ्याएको होम वर्क आज बिहान गरेँ । आज नभ्याएकोे होम वर्क भोलि बिहानै गर्छु । जति ढिला गरे पनि एक दिनभन्दा बढी ढिला कहिल्यै गरेको छैन । त्यति गर्दा पनि हजुर होम वर्क गरेन भनेर मलाई सधैँ गाली गरिरहनु हुन्छ । उः नेताहरूले त महिनौँ अघिदेखिको होम वर्क अझै गरेका रहेनछन् । म त त्यस्तो छैन नि । तैपनि हजुर मलाई नै गाली गर्नु हुन्छ होम वर्क गरेन भनेर । अब फेरि पनि गाली गर्नु भो भने मैले जान्याछु । म टेलिभिजनले भनेका सप्पै कुरा बाबालाई भन्दिन्छु ।

रजनी आमाले सधैँ होम वर्कका लागि गरिरहेको कचकचबाट आजित भएकी रहिछन् । र त टेलिभिजनमा यस्तो समाचार आउनेबित्तिकै उनले मौका छोपेर आमालाई हकारिन् । मौकामा चौका हानिन् र बाबाको धाक पनि एकैसाथ लाउन भ्याइन् उनले ।

राजु पनि के कम ? टेलिभिजन र बहिनीका कुरा एकसाथ सुनेपछि ऊ पनि मम्मीतिर फर्केर गर्जिन थाल्छ । हो भन्या मम्मी सधैँ हामीलाई होम वर्क गरेन भनेर गाली गरिर’नु हुन्छ । होम वर्क नसिध्याई एकछिन खेल्न पनि दिनु हुत्र । हामीलाई गाली गर्‍या’स्तो नेताहरूलाई गाली गर्न सक्नु हुन्छ हजुर ? तिनका अगाडि गएर बेलामा होम वर्क गर भत्र सक्नु हुन्छ ? हामीलाई जस्तो कुटुँलाझैं गरी हपार्न सक्नु हुन्छ तिनलाई ? अबदेखि होम वर्क गरेन भनेर हामीलाई गाली गर्नु भो भने म पनि बाबालाई भन्दिन्छु । अनि खुच्चिङ ! हजुरलाई बाबाले कस्तो गाली गरिसिन्छ ।

भरखर चार र पाँचमा पढ्दै गरेका छोराछोरीको कुरा सुनेर रमिता छक्क परिन् । नपरून् पनि किन ? तिनले यसो भन्लान् भत्रे अलिकति पनि सोचेकी थिइनन् उनले । सन्दर्भ पनि कति ट्वाक्क मिला’का मोराहरूले । गाली नगरूँ बिगे्रलान् भत्रे डर, गाली गरूँ तिनका तर्कको चित्त बुझ्दो जवाफ आफूसँग छैन । रनभुल्लमा परिन् रमिता । अनि मनमनै सोचिन्, मसिना बालबच्चालाई समेत बिगार्ने भए यी नेता भनाउँदाहरूले ।

कुत्रि किन हो, आज भुराहरूलाई धेरै दच्काउने आँट आएन रमितालाई । भुराका तर्कको जवाफ अझै तयार गर्न सकिरहेकी छैनन् उनी । भुराहरू आमासँग वार्तामा आफ्नो जीत भएको सम्झेर ढुक्कसँग टेलिभिजनमै रमाइरहेछन् । कुन च्यानल वा कार्यक्रम हेर्ने भत्रेमा दाजुबहिनीका बीच बेलाबखत क्षणिक कचिङ्गल भइरहे पनि उनीहरू एक आपसमा मिलेरै टेलिभिजन हेरिरहेछन् । छुट्टै किसिमको आनन्दमा रमाइरहेछन् । तिनको आनन्दको मापन जो कोहीले गर्न सत्तैmनन् यतिखेर ।

समाचारको क्रम फेरि अगाडि बढ्यो । मन्त्रिपरिषद् बैठक आज पनि बस्न सकेन । विषयवस्तु माथिको गहन छलफलका लागि अभैm होम वर्क गर्नु पर्ने देखिएकाले होम वर्क पूरा गरी अर्को बैठक छिट्टै बस्ने जानकारी सरकारका प्रवक्ताले दिए । यसै गरी सभासद्हरूले आफ्नो होम वर्क पूरा गर्न नभ्याएकाले आज बस्ने भनिएको व्यवस्थापिका संसद्को बैठक पनि पर्सिका लागि सारिएको जानकारी संसद् सचिवालयले दिएको छ ।

टेलिभिजनको यो समाचारले पनि रजनी र राजु दुवैको ध्यान एकैसाथ खिच्यो । मम्मी ! मम्मी ! सरकार भनेको को हो ? उसले पनि त होम वर्क गरेको रहेनछ नि । अनि हजुरहरूले अस्तिन चुनाव छ भन्दै गएर भोट हालेका सभासद्हरूले पनि खोई त आफ्नो होम वर्क गरेको ? आफ्नो होम वर्क पनि नगर्नेहरूलाई किन छात्रुभा ? ल सुत्रुस् समाचार । उनीहरू एकसाथ चिच्च्याए । अब होम वर्क गरेर मात्र कुत्रि केकेको बैठक बस्ने भनेका छन् । कस्ता अल्छी मोराहरू । आपूmले गर्नुपर्ने होम वर्क पनि बेलैमा नगर्ने ? हाम्रो मम्मीको फेला परेका भए तिनले थाहा पाउँथे, होइन त मम्मी ? दाजुबहिनी दुवै खितित्त हाँसे । मम्मीलाई उडाउन पाएकामा उनीहरू दुवै दङ्ग देखिन्थे । उनीहरूका मम्मी रमिताचाहिँ बालकहरूको आजको यो लीला देखेर मनमनै उदेक मानिरहिथिन् । कसले सिकायो यिनलाई यस्ता कुरा ?

रमिताको एक मनले भनिरहेथ्यो- कहिल्यै समाचार नहेर्ने/नसुन्ने यिनले आज कहाँबाट कसरी यो टेलिभिजनको समाचारमा ध्यान दिएर मलाई उल्लु बनाउने मौका छोपे ? यिनले भन्ठानेका छन् यिनीहरूको जस्तै होम वर्क हुन्छ सबैको, आजको भोलि लगेर स्कुलमा मास्टरलाई बुझाउने । के भत्रू यिनलाई ?

फेरि उनको अर्को मनले भन्दै थियो- कुरा यिनको पनि बेठिक कहाँ हो र ? आखिर होम वर्क भनेको होम वर्क नै हो नि । गर्नु पर्ने होम वर्क त जसले पनि बेलैमा गर्नु पर्‍यो नि । मन्त्री हुन् कि सभासद् । कि होम वर्क नै भत्रु भएन, होइन भने बेलैमा गर्नु पर्‍यो नि आफ्नो होम वर्क त ।

राजु र रजनीलाई आज समाचार सुत्रे रन्को चढेको छ । कतै आफ्ना मम्मीलाई फेरि पनि उल्लु बनाउन पाइन्छ कि भनेर उनीहरूको ध्यान समाचार सुत्रमै केन्द्रित छ । विदेशी समाचारको शृङ्खला शुरु गर्‍यो टेलिभिजनले । नभन्दै उनीहरूले खोजे जस्तै समाचार भट्ट्याउन थाल्यो त्यो टेलिभिजन । उनीहरू फेरि पनि एकाग्र भएर त्यो समाचार सुत्रमा तल्लिन भए । टेलिभिजन भन्दै थियो- … विद्रोहीहरूसँगको द्विपक्षीय वार्ता आज पनि सफल हुन सकेन । दुवै तर्फबाट आ-आफ्नो होम वर्क पूरा गरेर बैठक फेरि एक हप्तापछि बस्ने तय भएको छ ।

यो समाचार सुन्ने बित्तिकै समाचारका विषयमा बताएर मम्मीलाई फेरि पनि उल्लु बनाउन राजु मम्मी भएतिर दौडियो । रजनीले उनलाई बीचैमा रोकिन् र भत्र थालिन्- दाइ ! दाइ ! यो टेलिभिजनले त जसले होम वर्क नगरे पनि ठ्याक्कै थाहा पाएर सप्पैलाई भनिदिँदोरहेछ । हामीले पनि आज होम वर्क गरेका छैनौँ । हामीले होम वर्क नगरेको समाचार पनि यसले सप्पैलाई भनिदियो भने त लाजै मर्नु हुन्छ भोलि स्कुलमा । सरले के भत्रु हुन्छ होला ? साथीभाइले कति गिज्याउलान् हकि ? भो अब टेलिभिजन बन्द गर्दिऊँ र होम वर्क गरौँ । हुत्र दाइ ? बन्द गरिदिएपछि यसले हामीलाई देख्तैन, अनि खुच्चिङ ।

रमिता ढोकाका आडबाट अघिदेखि आफ्ना यी कलिला छोराछोरीका कुरा निकै चाख मानेर सुन्दै थिइन् । तिनका पछिल्ला कुराले उनका मनमा अझै चसक्क छोयो । यी बच्चालाई जत्तिको मात्र लाज पनि अरू ठूलाठालु भनाउदालाई हुने भइदिए बेलैमा कत्ति काम सकिन्थ्यो कत्ति ? क्या’र्नु ! सुत्रेले नसुन्दिएपछि र बुझ्नेले नबुझ्दिएपछि ।
(युवामञ्च, २०७२ असार)