राजबाबु श्रेष्ठ ‘सागर’सिमचना कसैका भागमा परेनन्
सुन्दैछु, बक्कुला दिउँसो झुन्डिन थाल्यो राति चारोको लागि उड्न थाल्यो चमेरो दुई खुट्टामा उभिएर नारायणीमा घडियालको बच्चालाई माछा सम्झी ठुङ्दैछ ।
आकाश खसे
धर्ती धसिए
तुहिनाचलले अर्को तुहिनाचल थपे
भ्यागुताहरू हाँसे
ताराहरूले अंशबन्डा गरे
जून कसैका भागमा परेनन्
लाटो घाँस लाटो नै रह्यो ।
बादल आँखा छोपी रुँदैछ
जङ्गलमा आगोले आगो लाउँदैछ
घाम एक्लै त्यहाँ के गर्दैछ ?
बक्कुला चमेरो बन्यो
चमेरो बक्कुला बन्यो
सिमचना कसैका भगमा परेनन्
लाटो घाँस लाटो नै रह्यो ।
सुन्दैछु,
बक्कुला दिउँसो झुन्डिन थाल्यो
राति चारोको लागि उड्न थाल्यो
चमेरो दुई खुट्टामा उभिएर नारायणीमा
घडियालको बच्चालाई माछा सम्झी ठुङ्दैछ
लाटो घाँस लाटो नै रह्यो ।
सिमचना कसैका भागमा परेनन् ।
०००
गौशाला न.पा.- १, महोत्तरी
Subscribe
Login
0 Comments
Oldest
