नेपाली हास्यव्यङ्ग्य अनलाइन पत्रिका

अद्वितीय भएँ भ्रष्ट देखाएँ प्रष्ट पौरख ।
उखेलेर जुँगा मैले अन्तै रोपिसकेँ सखा ।१।

म देखाइरहेको छु छोप्नुपर्ने सबै कुरा ।
तथापि हाँस्न खोज्दैनन् अठार वर्षका भुरा ? ।२।

वर्षैभरि मनाइन्छ गाईजात्रा यतातिर ।
गोरुबाहरू हेर्दै छौँ छात्राको कण्ठमुन्तिर ।३।

नेत्राणीले सबै पाना पल्टाई लेख्न लाउँछिन् ।
सधैँ पढाइराख् भन्छिन्; राति नै भेट्न आउँछिन् ।४।

नेताजीले गरेकै छन् योग्यताको परीक्षण ।
मैले देश उचालेको देखेका छन् कुनै दिन ।५।

मभन्दा योग्य को होला ? छाती माडेर भन्दछु ।
उचाली दुइटै देश, म प्रज्ञापति बन्दछु ।६।

०००
नैकाप, काठमाडौं